अपघाती मरुन जाता
पोर्शे, मर्सिडीज, टोयोटा न् आता ऑडी
पण काहीही म्हणा जोरात ठोकते गाडी
गाड्या तर म्हणं इंपोर्टेड हायेत साऱ्या
चुकतोय का हाकायला, डायव्हर गाडी?
कोण खरं, कोण खोटं? ठरवणार कोण
मोठ्यांचं तर काय,ते मँनेज पण करतील
जीवानिशी गेले, ते खरे व्यापातून सुटले
अपंग जे झाले त्यां मागे कोण धावतील
तारखा पडतील खुप सत्याचा शोध घेता
कळत नाही, चूक नक्की कोणाची आता
दबला कसा सामान्य टायर खाली यांच्या
कोण सांगणार खरं अपघाती मरुन जाता
https://marathikavita.co.in/index.php?topic=45292.new#new
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा