भावना निनांद
अनभिज्ञ असता कुणी परस्पर
ओढ शब्दांची जोडते शब्दांना
तरंग प्रवाहात भावभावनांच्या
चढतेच रंगत खरोखर शब्दांना
शब्दांनीच सहजच जुळते नाते
शब्दांनीच आयुष्य खुलत जाते
मोहमायेत या जगात आभासी
अन्यथा कोण कुणाशी बोलते?
साधेच असते देणे घेणे शब्दांचे
अव्याहत नियम साद प्रतिसाद
जुळता नाळ कधी आपसूक ती
मनात गुंजे नित्य भावनानिनांद
©शिवाजी सांगळे 🦋papillon
संपर्क: +९१ ९५४५९७६५८९
कोणत्याही टिप्पण्या नाहीत:
टिप्पणी पोस्ट करा