कोरोना न् लग्न
आलाय कोरोना जाईना कोरोना
सगळ्यांना आडवा येतोय करोना...धृ
कोण म्हणं बघा लाट नवी येणार
कुणाकुणाला ती गुंडाळून नेणार
नको नकोसे प्रश्न मनाला पडणार
कुणालाबी यातलं काय समजना
अजूनही यावरती उपाय सापडंना
आलाय कोरोना जाईना कोरोना...१
पोरं परेशान आणखी पोरी परेशान
संगतीनं त्यांच्या आईबापबी हैराण
महामारी पुढं सऱ्यांची झुकली मान
एकमेकांना बघाया जायला जमना
लॉकडाऊन मुळं या लगीन होईना
आलाय कोरोना जाईना कोरोना...२
आंवदाच संसार थाटावा वाटतो
दोनाचे चार व्हावे विचार करतो
मुलगी बघायला जायचं म्हणतो
कसंकाय उरकावं काही कळंना
तुचरं देवा आम्हाला रस्ता दावना
आलाय कोरोना जाईना कोरोना...३
https://marathikavita.co.in/marathi-song-lyrics/t33710/new/#new
©शिवाजी सांगळे 🦋papillon
संपर्क: +९१ ९५४५९७६५८९
