संघर्ष चर्चा

संघर्ष चर्चा

रोजचा संघर्ष माझा का कुणास सांगू नये  

होईल नाराजी, म्हणून का व्यक्त होवू नये

असूनही भरमसाठ,योजना न् प्रश्न समोरी 

अंमलबजावणीस त्यां फुका वेळ दौडू नये

बदलला साराच ढाचा व्यवस्थेचा येथल्या 

लठ्ठ सत्तेपुढे कैफियत का कुणी मांडू नये 

पावलागणिक मागण्या, कामे मंजुरीसाठी 

वाढलेल्या भ्रष्टाचाराची,चर्चा का करु नये

ठेवावी मनी लाज जरा जनाची वा मनाची 

द्यावे लागते उत्तर शेवटी, सत्य विसरु नये 

https://marathikavita.co.in/index.php?topic=81887.new#new

©शिवाजी सांगळे 🦋 papillon

संपर्क: +९१ ९५४५९७६५८९

मौन

मौन 

बरेच म्हणतो अडचणीत या आहे मौन माझे 

दृश्य बाहेरचे विचलित करते सुख चैन माझे

गोंधळ सदृश्य स्थिती,बोकाळली सर्वत्र तेथे

काय काय पहावे?संभ्रमात पडती नैन माझे

आगडोंब सृष्टीचा न् महागाईचा रोष थोरला

सतत सर्वांसह उगाच ठेवतो मन बैचेन माझे

बाता प्रगतीच्या जाहिरातीतल्याच हो शेवटी

ऐकून वाचून सदोदित का दूर होते दैन माझे

व्यथा मनातली, कुठवर आता रोज मांडावी 

बहिऱ्या यंत्रणेत इथल्या,बरे आहे मौन माझे 

https://marathikavita.co.in/index.php?topic=81833.new#new

©शिवाजी सांगळे 🦋 papillon

संपर्क: +९१ ९५४५९७६५८९

लोकं काय म्हणतील

लोकं काय म्हणतील

चार लोकं काय म्हणतील यातच वेळ गेला

त्या चार लोकांपैकी एक कामी नाही आला

सर्व जबाबदाऱ्या काही ओझी आणि चिंता

विचार करणारा,मात्र कायम वाहत राहिला

कुणाला नसते पडलेली उगाच कुणाची इथे

जो तो असतो नेहमी, मस्त स्वतःत रमलेला

हिच शिकायची, खरी दुनियादारी जगताना

आवडतं ते करावं,आनंदात ठेवावं स्वतःला

लोकांचं तर कामच आहे,करु देत, ते त्यांना

चार लोकांच काय जातं काहीही बोलायला

https://marathikavita.co.in/index.php?topic=81596.new#new

©शिवाजी सांगळे 🦋 papillon

संपर्क: +९१ ९५४५९७६५८९

परीक्षा जिद्दीची

परीक्षा जिद्दीची

वाटते आहे अवघड वाटचाल जगण्याची

खरी अविभाज्य अहमहमिका जीवनाची 

खडतर जरी मार्ग, पावलोपावली इथला

लढायचीच आहे येथे लढाई अस्तित्वाची

थकू नको हारु नको,माघार मुळीच नको 

ठेवून ध्येय मनी सोड निशाणी पावलांची 

कोणतीच वाट नाही सहजसाध्य जाण तू 

क्षणोक्षणी घेतलीच जाते परीक्षा जिद्दीची 

आठवतो मंत्र पुरातन 'थांबला तो संपला'

विसरून त्या, लिही कहाणी जिंकल्याची

https://marathikavita.co.in/index.php?topic=81573.new#new

©शिवाजी सांगळे 🦋 papillon

संपर्क: +९१ ९५४५९७६५८९

बातचीत १९०५२०२६ yq १३:०३:०७

बातचीत

आज खुद में इतिहास समेटे

ऐसी कई इमारतें खामोश है !

याद कर स्वर्णिम अतीत को

परिंदों से बातचीत करती हैं !

ऐसाही हाल कुछ बुजुर्गों का

जमाने में आजकल होता है !

अकेलेपन के, बोझ के साथ

अंदर ही अंदर रोते रहता है !

©शिवाजी सांगळे 🦋 papillon

संपर्क: +९१ ९५४५९७६५८९

निरागस

निरागस

उन्हाळ्याची सुट्टी कुठे सर्वांच्या नशिबी 

बाहेर 'कडक' उन,गर्दी अशीबी तशीबी

हरवलेली सावली वाऱ्याचा पत्ता नाही 

आग ओकतो सुर्य अंगाची लाही लाही 

आपणच रे कारण बेसुमार वृक्ष तोडतो 

मग,निसर्ग काय तुम्हास सहज सोडतो 

अवकाळी,कधी कोरडा,ओला दुष्काळ

तो निरागस,आपणच घेतो त्यावर आळ

घालवायची जर मस्त उन्हाळ्याची सुट्टी

तर जप निसर्ग न् कर त्या सोबत दोस्ती

https://marathikavita.co.in/index.php?topic=80770.new#new

©शिवाजी सांगळे 🦋 papillon

संपर्क: +९१ ९५४५९७६५८९

डावा अंगठा

डावा अंगठा

कितीही शिकले सवरले असा

पाळावी लागते चौकट नियमांची

असो, खरेदी विक्री हक्कसोड

एक वेळ येतेच अंगठा लावायची

जमीनजुमला, इस्टेट म्हणून

दुभंगली गेली प्रसंगी वैरी झाली

कित्येक परिवार आणि कुटुंबे

एकमेकांपासून कायमची दूरावली

रित्या हातीच येणे जाणे इथले

कळूनही सत्य हे खरे वळत नाही

काही नसते शेवटी सोबत,तरी

सत्ता न् संपत्तीची हाव सुटत नाही

https://marathikavita.co.in/index.php?topic=80608.new#new

©शिवाजी सांगळे 🦋 papillon

संपर्क: +९१ ९५४५९७६५८९

स्व-सन्मान

स्व-सन्मान

आज करतोय कामगार दिन साजरा

प्रत्यक्षात आहे कामगार दीन बिचारा,

अतिशयोक्तीपुर्ण काही नाही सांगत

खात्री करण्या आमगारानांच विचारा !

व्यवसाय सारे, मंदावल्यात नोकऱ्या 

त्यातच सर्वत्र बेरोजगारी फोफावली,

तुटपुंज्या, सकल व्यवस्थेची इथल्या 

हि प्रातिनिधीक कैफियत हो मांडली !

आधार कष्टकरी, कामकरी, शेतकरी 

तारणहार अवघ्या साऱ्या या जगाचा,

थोडा तरी दृष्टिकोन बदलायला हवा 

त्यांनाही आहे हक्क, स्व-सन्मानाचा !

https://marathikavita.co.in/index.php?topic=80301.new#new

©शिवाजी सांगळे 🦋 papillon

संपर्क: +९१ ९५४५९७६५८९

हिसाब किताब ३००४०२६ yq २०:५३:०७

हिसाब किताब

मोहब्बत की आख़िरी चिठ्ठी

शायद, मैंने तुम्हें लिखी थी,

पढीं थी,या अनदेखी कर दी

जिम्मेदारी तो तुम्हारी ही थी!

लिखा था उसमें अपना हाल

और,पुछा था तुम्हारा हाल!

इंतजार करते वक्त बीत गया

कुछ न हुआ,हुए दोनों बेहाल!

अब तो सारे मायने बदल गए

चिठ्ठियाँ और पत्र लिखने के,

सिर्फ एक मोबाइल कॉल पर

हिसाब किताब होतें हैं प्यार के!

©शिवाजी सांगळे 🦋 papillon

संपर्क: +९१ ९५४५९७६५८९

तु सांग ना

तु सांग ना

पुस्तकातील प्रत्येक पानावर,आहेत काही खास खुणा

काळ लोटला जरी किती तरीही चाळतो मी पुन्हा पुन्हा

उसवत्या आठवण वीणी सोबत मन भूतकाळात जाते

नकळतपणे गुरफटते अन् गुंतण्याचा घडतो नवा गुन्हा

होता चूक काही अजानता, ठरवावे आरोपी कसे मला

नव्हती ईच्छा मुळात दुखवायची मला सांग खरे,हो ना

होऊ दे जे काही व्हायचे,आता पर्वा कशाला करायची

कोण कशासाठी बोलतो, वाटते त्यांचे, त्यांना कळेना

चाललो कुठे या सांप्रत काळी, कळेना बहुदा कुणाला

उमगलेच जर काही तुला, परमेश्वरा तु सर्वांना सांग ना

https://marathikavita.co.in/index.php?topic=79667.new#new

©शिवाजी सांगळे 🦋 papillon

संपर्क: +९१ ९५४५९७६५८९