आतला आवाज १००३२०२५ ya १८:५२:५५

आतला आवाज

आतला आवाज...तर कळायला हवा
बंदिस्त भावनानां वाव मिळायला हवा

कुठवर ठेवायचे कोंडून, विचार आता
झुंडीने एकत्रित आवाज करायला हवा

एकजुटीच्या अस्तित्वाने बदलते दशा
खंबीरपणे एक आवाज उठायला हवा

गारद झाल्या कैक सत्ता,इतिहास येथे
चमत्कार एकीचा, तो दाखवायला हवा

त्रयस्थ होऊन, कधी तरी दूरस्थ राहून
मना,स्वतःचाच आवाज ऐकायला हवा

©शिवाजी सांगळे 🦋papillon
संपर्क: +९१ ९५४५९७६५८९ 

नव्याने

नव्याने

प्रत्येक जण म्हणतो आयुष्यावर बोलू काही 

भले बुरे आले वाट्याला इतरांना सागू काही 

सुखदु:खांचे कैक तरंग उठती जगताना येथे 

कठीण हलके पापुद्रे त्यातील उलगडू काही 

भेद किती, न् काय दडले आहे जीवनात या 

चल् दोस्ता, आपण दोघं मिळून शोधू काही 

रचतो जरी जो कुणी डाव अतर्क्य गूढ इथले 

उत्तर म्हणून दोघं त्यातील हाणून पाडू काही 

भ्रष्ट केली यांनी गज़ल इथली म्हणोत कोणी 

वेगळेपण नव्याने आपले त्यांना रे दावू काही 

https://marathikavita.co.in/index.php?topic=52737.new#new

©शिवाजी सांगळे 🦋papillon

संपर्क: +९१ ९५४५९७६५८९ 

स्वप्न गहिवर

स्वप्न गहिवर   

अंधुक प्रकाशी, तलम शुभ्र बिछाईतीवर
ताल सुरांचे भरले,अनोखे अपुर्व स्वयंवर

छेडता एकएक तार, सुडौल तानपुऱ्याची
येऊ लागली मंद स्वर भरती तल्लीनतेची

आसुसलेल्या, ठेवणीतल्या नाजूक ताना 
प्रतिसाद उस्फुर्त देत राहिल्या परस्परांना

घेत देत बेधुंद, स्वर आंदोलने रात्र जगली
नाजूक साजूक स्निग्ध,टपोर फळे फुलली

चढता राग सिंदूरा न् काफ़ी क्षणाक्षणाला
कळेना त्यां, आवरावे कसे कुणी कुणाला

उत्तरोत्तर मैफिल,जशी जशी, रंगू लागली
कोमल रे आरोह अवरोह मारव्यात दंगली

सरता हळूवार, वरवर निशेचा परदा धुसर 
स्मरु लागला,कल्याण थाटी भूपाळी स्वर

सावरले, आवरले, कसेबसे अखंड सूरांना
जमेल का डुंबवणे, गहिवर नेत्रात स्वप्नांना

https://marathikavita.co.in/index.php?topic=52457.new#new

©शिवाजी सांगळे 🦋papillon
संपर्क: +९१ ९५४५९७६५८९

कोरी पाटी २२०२२०२५ yq ०९:१०:१०

कोरी पाटी

कोरी माझी पाटी रे
काय लिहू मी तीच्यावरी?
खोटेनाटे लिहू कसे!
की, सांगू कथा खरीखुरी?

अनुभवी बोल मांडता
वाटतील बोचरे कुणातरी,
पचवायला सत्य खरे
सज्ज व्हा धैर्य ठेवूनी उरी!

स्वार्थापरी जगती जे
नकोच म्हणतील शेजारी,
बगैर सोबत जगतांना
राहतील ते मनाने आजारी!

©शिवाजी सांगळे 🦋papillon
संपर्क: +९१ ९५४५९७६५८९

मार्ग २१०२२०२५ yq ०९:२०:१२

मार्ग

प्याला अर्धा भरलेला..

अर्धा रिकामा कुणी म्हणे !

दोन्ही प्रवृत्ती या संसारी

राजरोस दिसती उघडपणे ! 

कुंभस्नाना एक चालतो

घेऊन डोई मातेस श्रावण !

दूजा कोंडून जन्मदात्रीस

दर्शवे मनी वसला रावण !

दिवस रात्र खेळ सृष्टीचा

कारक मनाला होतो खरा ! 

ठेवून भान भल्याबुऱ्याचे

जगण्याचा योग्य मार्ग धरा !

©शिवाजी सांगळे 🦋papillon

संपर्क: +९१ ९५४५९७६५८९

वास्तविक ०८०२२०२५ yq १३:१४:४५

वास्तविक

गुलाबानेचं प्रेम व्यक्त होतं का?
प्रेमात ठिक, लग्ना नंतर जमतं का?

कोथिंबीर, मेथीची गरज असते
गुलाबा वाचून खरं काही अडतं का?

नक्कीच, रंगत वाढते संसारात
गुलाब, मोगरा किंवा गजरा दिल्याने,

वास्तविक वाढते गोडी खरोखर
परस्परांवर मनापासून प्रेम केल्याने!

©शिवाजी सांगळे 🦋papillon
संपर्क: +९१ ९५४५९७६५८९

चंद्रभास ३१०१२०२५ yq ०८:३६:३५

चंद्रभास

कळत नाही...काय करावं 
भासातलं जीवन कसं जगावं!

पाहता वास्तव हे भोवतीचे
मृगजळामागे कुठवर पळावं?

कळेना फरक वास्तवातला
खरंखोट सगळं कसं उमजावं?

धरु पाहता हाती तारामंडल
चंद्र आभासाने, किती छळावं?

©शिवाजी सांगळे 🦋papillon
संपर्क: +९१ ९५४५९७६५८९

कालचक्र

कालचक्र

आयुष्य जगायचे राहिले...

मन म्हणते काय पाहिले..?

कळलेच नाही आजवर..

स्वतःस मी किती शोधले?

असेच प्रश्न कित्येक सारे

आजवर कधी ना पडले.!

थोडी उदासी, एक बैचेनी

तरीही जगणे नाही सुटले!

का अन् कसे कोण जाणे

कालचक्र अखंड चालले?

https://marathikavita.co.in/index.php?topic=50687.new#new

©शिवाजी सांगळे 🦋papillon

संपर्क: +९१ ९५४५९७६५८९

खऱ्या अर्थाने २५०१२०२५ yq ०२:३६:०५

खऱ्या अर्थाने

नातं स्वीकारता आलं पाहिजे...खऱ्या अर्थाने 

स्पष्टपणे बोलता आलं पाहिजे..खऱ्या अर्थाने 

बोलले जरी कुणी कधी काहीबाही वेळेपरत्वे 

खरेखोटे पचवता आलं पाहिजे खऱ्या अर्थाने 

ठोकताळे जरी वेगवेगळे आपले...जगण्याचे 

स्पर्धेत या जगता आलं पाहिजे खऱ्या अर्थाने 

हार जीत दोन बाजू जरी, एकाच जगण्याच्या

अपयश रोखता आलं पाहिजे...खऱ्या अर्थाने

भासता कवाडे बंद, यशाची कुठेही स्पर्धेवेळी

द्वार रे ठोठावता आलं पाहिजे..खऱ्या अर्थाने

©शिवाजी सांगळे 🦋papillon

संपर्क: +९१ ९५४५९७६५८९

आठव पक्षी

आठव पक्षी

फिरुन अताशा हि आठवण कशाला

चुकला हिशोब साराच सांगू कुणाला

बराच काळ झाला गाठ नाही पडली

होईल भेट पुन्हा, आस होती मनाला

करून खोडी फांदीवर, एका पानाची

आठवणीत एक पक्षी हळूवार उडाला

स्तब्ध शांत असता परिसर भोवतीला

जळावरी हळव्या, तरंग का शहारला

होता शिडकावा पावसाचा तो जरासा

कळला ना अश्रू डोळ्यातला कुणाला

https://marathikavita.co.in/index.php?topic=50365.new#new

©शिवाजी सांगळे 🦋papillon

संपर्क: +९१ ९५४५९७६५८९

खेळ मनाचा

खेळ मनाचा

घेऊन दु:खाचे गाठोडे...कुठवर ते चालावे 
येताच संधी सुखाची...त्या तथास्तु म्हणावे 

सुख दु:ख मानने, न मानने खेळ रे मनाचा 
जाणून सत्य असत्य मना निर्णय त्वा घ्यावे 

वावर छद्मी रावणांचा भोवती वाढला आहे
मोह कशाचा करावा, मना विचारून पहावे

जो तो करतोय पुढे हात रंगीत प्रलोभनांचे 
रंगायचे कोणत्या रंगात, त्यात रे रंगून जावे 

आभासाच्याच, सर्व छटा इथल्या रंगांमध्ये 
स्थायी अस्थायी, समजून रे व्यवहार करावे 

https://marathikavita.co.in/index.php?topic=50187.new#new

©शिवाजी सांगळे 🦋papillon
संपर्क: +९१ ९५४५९७६५८९ 

केव्हातरी

केव्हातरी

स्वप्नातून वास्तविकतेकडे जायला हवं 
प्रसंगी, स्वतःचं परिक्षण करायला हवं 

गोड वाटतात ही स्वप्ने अचेतन मनाला 
भान वास्तवतेचं चेतनेत ठेवायला हवं 

असेल वळण सोपे, असे का समजावे
अंदाज घेत घेत वाटेवर चालायला हवं 

कुठवर ठेवशील भरवसा आभाळावर
छत डोक्यावर तेवढं सांभाळायला हवं 

चल, जाऊदेत साऱ्या बाता गैरवाजवी
केव्हातरी तु मनासारखं जगायला हवं
https://marathikavita.co.in/index.php?topic=50172.new#new
©शिवाजी सांगळे 🦋papillon
संपर्क: +९१ ९५४५९७६५८९

सुक्ष्म किती

सुक्ष्म किती

कधी कधी सावरावं लागतं...स्वतःला 

चुकतं कुठे विचारावं लागतं..स्वतःला 

कधीकाळी नसतानाही अपराध काही 

खापर दोषाचं सोसावं लागतं स्वतःला 

काय सुरू आहे जगरहाटी आजकाल 

दुरूनच रे लक्ष ठेवावं लागतं स्वतःला 

चालतोय खेळ सारा विलक्षण भोवती 

डावात येथील टिकावं लागतं स्वतःला

पसाऱ्यात विश्वाच्या या भल्या थोरल्या 

सुक्ष्म किती मी, पहावं लागतं स्वतःला

https://marathikavita.co.in/index.php?topic=50070.new#new

©शिवाजी सांगळे 🦋papillon

संपर्क: +९१ ९५४५९७६५८९

मकरसंक्रांत १४०१२०२५ yq १३:२३:०८

मकरसंक्रांत

जोडी तिळ अन् गोड गुळाची
वाढवते नित्य संक्रांत सणाची

स्निग्ध, स्नेह घेऊनी सोबतीला
वाढवते हेमंतात शक्ती तनाची

होताना उधळण ऋतूत थंडीची   
साथ तुझी हवी मला आनंदाची

सावरते जशी नभी दोर पतंगा
असावी सोबत तशीच दोघांची

आस आहे इतुकी मनात आता
वाढो गोडी मकरसंक्रांत पर्वाची

©शिवाजी सांगळे 🦋papillon
संपर्क: +९१ ९५४५९७६५८९

मनापासून

मनापासून

का असं वाटतं, की मागे काहीतरी राहिलं...?
आयुष्याबरोबरचं देणं घेणं अर्धवट राहिलं...?

जे काही तो देत गेला, मी खुशीने स्विकारलं  
भांडलो जेव्हा केव्हा त्याने मुद्दाम नाकारलं...!

कल्पना मला की, हट्ट हा तु सोडणार नाही
खेळवलं किती मला,सारं मी स्वतः भोगलं...!

होवू दे, माझं आता, जे काही होणार आहे 
तोंड द्यायचं त्यास मीही मनापासून ठरवलं...!

वेदना, शल्य माझे बोचरे हवं ते, त्या नाव दे
साचलेलं,मनातलं ते मी मोकळ्यानं मांडलं...!
https://marathikavita.co.in/index.php?topic=49902.new#new

©शिवाजी सांगळे 🦋papillon
संपर्क: +९१ ९५४५९७६५८९

गाडी हो आली

गाडी हो आली

बघता बघता, कोण हो आली

झुकझुक करीत की हो आली

शिटी वाजली, चाहूल लागली

कंच्या गावची गाडी हो आली

मोठ्याने उडवित काळासा धूर

तोऱ्यात सुसाट अशी हो आली 

जायचं पुढं, ठरल्या स्टेशनावर

वाटेभर सर्वां, सांगत हो आली

ओलांडून नद्या, कित्येक दऱ्या

खडतर प्रवास करीत हो आली 

घेऊन सोबती, माणसांची गर्दी 

सोडाया त्यांना स्वतः हो आली

https://marathikavita.co.in/index.php?topic=49823.new#new

©शिवाजी सांगळे 🦋papillon

संपर्क: +९१ ९५४५९७६५८९

व्याजाची लालच

व्याजाची लालच

"लालच बडी बुरी बला है"
जुने जाणते खरंच सांगून गेले

खुपदा फसवणूक होऊनही
लालची व्याजामागे धावून गेले

ठराविक काळाने फसवणूक
हा सुनियोजित कट रचला जातो

सामान्य कष्टकरी अलगदपणे
असल्या जाळ्यात फसला जातो

https://marathikavita.co.in/index.php?topic=49775.0

©शिवाजी सांगळे 🦋papillon
संपर्क: +९१ ९५४५९७६५८९

ईमान ०६०१२०२५ yq १४:२७:१५

ईमान

छत ने, पहलेही सांस लेना छोड़ दिया
ईंटें भी अब मिट्टी में तब्दील होने लगी
और हम...जुड़े रहे धरती से
जिस पर कभी जन्म लिया था...
शायद पागलपन होगा..

आसपड़ोस भले बदलता रहा
नयी नयी इमारतें बनती रहें,
हमें क्या? हम यहीं कायम है
साल लिए एक समाधान
मन में...
जीवित है ईमान कायम
मिट्टी से... जुड़े रहने का।

06-01-2025 YQ 02:27:15 PM

©शिवाजी सांगळे 🦋papillon
संपर्क: +९१ ९५४५९७६५८९

बघ विचारून ०६०१२०२५ yq १०:४५:५२

बघ विचारून

विचारून बघ स्वतःला
काय तु देणार दुसऱ्याला

चांगलं वाईट खुप काही आहे
दे, असं जे उपयोगी पडेल कुणाला

सर्वच इथले भाडेकरू
सोबत फक्त सहवासाला

वाटूयात ठेवा सारा आनंदाचा
काय नेणार आहोत सांगा सोबतीला

©शिवाजी सांगळे 🦋papillon
संपर्क: +९१ ९५४५९७६५८९ 

क्या करोगे

क्या करोगे

ऩजर से नज़र को चुराकर क्या करोगे
युहीं हमसे दूरीया बढाकर क्या करोगे

मिले बडी मुद्दत के बाद हम इसतरहा
चेहरा ख़ूबसुरत, छुपाकर क्या करोगे

एक एक लकीर बनी है इन हाथों पर
नाम की तुम्हारे, मिटाकर क्या करोगे

वक्त वक्त की बात, कैसे इकरार होगा
खुले हुये राज़ का इज़हार क्या करोगे

बस् छोड़ दो अब, सारी फ़िजूल बातें
बेवजह मे चुप्पी साधकर क्या करोगे

https://marathikavita.co.in/index.php?topic=49545.new#new

©शिवाजी सांगळे 🦋papillon
संपर्क: +९१ ९५४५९७६५८९ 

गज़ल

गज़ल

हक़ीक़त तो उसको पता है हमारी
पहले से  ज़िंदगी लापता है हमारी

जो कुछ हुआ किस्मत का खेल था
फिर भी क्यों समझे ख़ता है हमारी

इश्क पर जोर चलता नहीं कहें कोई
है इश्क जोरदार ऐसी मता है हमारी

थे कहाँ माहिर हम कौनसी बातों में
ये उस्तादों से हासिल कता है हमारी

क्या लाएं साथ हुनर कुछ पता नहीं
पुर्खों से मिली, खरी 'अता है हमारी

आधी पूरी समझे या कुछ टूटी फूटी
पर दिलसे कहीं हुई ये बता है हमारी

https://marathikavita.co.in/index.php?topic=49542.new#new
©शिवाजी सांगळे 🦋papillon
संपर्क: +९१ ९५४५९७६५८९